ტრენინგები და სემინარები

ტრენინგ- სემინარი: "საქართველო-ევროკავშირი"

15 თებერვალს ქ. თბილისში , სასტუმრო შაინში გაიმართა ტრენინგ-სემინარი თემაზე: "
 საქართველო და ევროკავშირი" განვითარებისა და დემოკრატიის ცენტრის (CDD) ორგანიზებით, საქართველოს საპატრიარქოს განათლების სისტემასთან და წმიდა დავით აღმაშენებლის სახელობის განათლების ცენტრთან თანამშრომლობით, ნიდერლანდების სამეფოსა და დიდი ბრიტანეთის საელჩოების მხარდაჭერით,იგი  განკუთვნილი იყო  საქართველოს საპატრიარქოს სკოლების და გიმნაზიების წარმომადგენელთათვის. 
შესაბამისად  შეხვედრას ესწრებოდნენ  საქართველოს თითქმის ყველა კუთხეში არსებული სასულიერო სასწავლებლების პედაგოგები. შეხვედრის მიზანი იყო გავცნობოდით თუ  რა არის ევროკავშირი, რამდენად მნიშვნელოვანია საქართველოსთვის ევროკავშირში შესვლა  და რა უპირატესობა გვექნება მასში გაერთიანების შემდგომ. დღემ საკმაოდ საინტერესოდ ჩაიარა. მოხსენებით გამოვიდნენ:

1. ტრენინგ–სემინარის მონაწილეებს მიესალმა ნიდერლანდების სამეფოს ელჩის მოვალეობის შემსრულებელი - ფლორ ნუიტენ - ელზინგა და გავითარებისა და დემოკრატიის ცენტრის (CDD) თავმჯდომარე - ქეთევან ჩაჩავა

ნიდერლანდების სამეფოს ელჩის მოვალეობის შემსრულებელი- ქ.ნ ფლორ ნუიტენ     ელზინგა.

ტრენინგ–სემინარზე პრეზენტაციები გააკეთეს მოწვეულმა ექსპერტებმა: კახა გოგოლაშვილმა, მიხეილ მირზიაშვილიმა და ივანე ჩხიკვაძემ. პრეზენტაციები შეეხებოდა შემდეგ თემებს _  „საქართველო - ევროკავშირის ურთიერთობის ისტორია", „საქართველო - ევროკავშირს შორის ასოცირების შესახებ შეთანხმება“ და  „თავისუფალი, უვიზო, მიმოსვლა საქართველოსა და ევროკავშირს შორის“. თითოეული ექსპერტის პრეზენტაციის შემდეგ გაიმართა საინტერესო დისკუსია. ტრენინგ–სემინარის დასასრულს მონაწილეებს გადაეცათ სერთიფიკატები.