. ტრენინგი: " თანამშრომლობითი პროექტების დაგეგმვა და მართვა eTwining.Plus ფარგლებში"
ჩატარების თარიღი: 13 - 17 /12 2013 წელი.
ჩატარების ადგილი: წყალტუბო, სასტუმრო " ოაზისი"
ჩამტარებელი ორგანიზაცია: მასწავლებელთა პროფესიული გადამზადების ეროვნული ცენტრი.
სამიზნე ჯგუფი: ზოგადსაგანმანათლებლო სკოლების პედაგოგები.
აქტივობის მიზანი: საქართველოს სკოლების მასწავლებელთა პროფესიული განვითარება .სასწავლო და თანამშრომლობითი პროექტების დაგეგმვისა და მართვის შესწავლა, პარტნიორების მოძიება eTwining.Plus პორტალზე.
აქტივობის დეტალური აღწერა: ტრენინგის პირველ დღეს მონაწილეები მთელი საქართველოდან შევიკრიბეთ წყალტუბოში, სასტუმრო "ოაზისში", საერთო შეხვედრა გაიმართა სააქტო დარბაზში ,სადაც ტრენინგის ადმინისტრატორმა ,თეონა კუპატაძემ გაგვაცნო ტრენინგის მიზნები ტრენინგის მიზნები და პროგრამა. საერთო პრეზენტაციის შემდეგ დავიყავით სამუშაო ჯგუფებად და გავემგზავრეთ ქუთაისის სკოლებში კომპიუტერულ ლაბორატორიებში პრაქტიკული სამუშაოებისთვის. ტრენერმა შორენა ბადურაშვილმა გვასწავლა eTwining.Plus პორტალზე Twinspace -ზე პარტნიორების მოძებნისა და პროექტებში თანამონაწილეობის ხერხები, ეს პრაქტიკული მუშაობა გაგრძელდა მეორე დღესაც. ტრენინგის მესამე დღეს კი ისევ წყალტუბოში შევიკრიბეთ . ჩვენი , 22 -კაციანი ჯგუფის ტრენერი გახლდათ ბ-ნ პავლე თვალიაშვილი.მეწყვილის საშუალებით ჯერ ერთმანეთი გავიცანით შემდეგ შემდეგ კი ბ- ნმა პავლემ ისაუბრა ტრენინგის მიზანზე და გვთხოვა ჩამოგვეწერა სასწავლო პროექტის დადებითი და უარყოფითი მხარეები,მოვაწყვეთ ნაშრომების პრეზენტაცია.
დღე მეოთხე: დაიწყო რეფლექსიით გავიხსენეთ წინა დღის აქტივობები.მომდევნო ეტაპზე ძირითადი დრო დავუთმეთ იდეების შეფასების კრიტერიუმებისა და ინდიკატორების გაწერას,ჯგუფური მუშაობის პრინციპით,შესრულებული დავალებები პრეზენტაციის რეჟიმში განვიხილეთ,გაიმართა აქტიური დისკუსია.
შემდეგი აქტივობა ისევ ჯგუფებში განვახორციელეთ -- დავალების პირობა მეტად სახალისო და საინტერესო იყო:- ჩვენ უნდა მიგვეყიდა ცნობილი "ბიზნესმენისთვის" ჩვენი პროდუქცია,მის დასაინტერესებლად რამდენიმე წუთი გვქონდა , "ბიზნესგარიგების " ადგილი ლიფტი იყო, ვიტყვი იმასაც, რომ ყველა ჯგუფი ამ სამუშაოს დიდი ხალისით და ენთუზიაზმით მოეკიდა. შეიქმნა საინტერესო, კრეატიული რესურსები.
ტრენინგის მნიშვნელობა:
ამ ტრენინგში მონაწილეობა ჩემთვის ძალიან მნიშვნელოვანი იყო ,რადგან მისი დახმარებით ჩემი ზედაპირული ცოდნა ამ საკითხებთან დაკავშირებით უფრო ღრმა და მყარი გახდა,რაც საშუალებას მომცემს გაკვეთილები ახლებურად და შინაარსიანად დავგეგმო.
ამ ტრენინგზე მიღებული ცოდნის საშუალებით შევძლებ დავგეგმო და ვმართო პროექტები, ვიპოვო თანამოაზრეები და ჩავერთო სხვადასხვა საინტერესო პროექტებში,გამოცდილებას და სიახლეებს რა თქმა უნდა გავუზიარებ კოლეგებს და ვეცდები მათაც დავეხმარო პროფესიულ განვითარებაში.
მ.ონიანი
18.12.2013წელი.
No comments:
Post a Comment