ტრენინგები და სემინარები

  ტრენინგი: თანამედროვე საინფორმაციო ტექნოლოგიების გამოყენება სასწავლო პროცესში.

ტრენინგის ჩატარების  დრო:   6-7  ივლისი  2012 წელი;

ჩამტარებელი  ორგანიზაცია: საქართველოს საპატრიარქოს განათლების ცენტრი /ასოციაცია  ,,სკოლა-ოჯახი-საზოგადოება";

ტრენინგის მიზანი:  მოსწავლეებზე  ორიენტირებული  გაკვეთილები  ტექნოლოგიების  გამოყენებით.

სამიზნე  ჯგუფი: საპატრიარქოს  დაქვემდებარებაში  მყოფი   სკოლების   პედაგოგები.

აქტივობის  მიზანი: მასწავლებელთა  მომზადება ელექტრონული  დოკუმენტაციის  სრულყოფილად და მოწესრიგებულად  წარმოებისათვის.

ტრენერი: ჰონგკონგის უნივერსიტეტის  პროფესორი დ.ჩერჩილი.

საუბრის  დასაწყისში მან აღნიშნა,რომ  განათლება უნდა იყოს  დროის რელევანტური
.მან ასევე ყურადღება გაამახვილა საკლასო ოთახებში  მოსწავლეთათვის  მოხერხებულად მერხების,სკამებისა და კომპიუტერების  განლაგებაზეც.

კვლევებმა აჩვენა,რომ,აღნიშნა მან, მოსწავლე მით უკეთ ითვისებს ცოდნას,რაც უფრო თავისუფალ  სივრცეში  გრძნობს  თავს და რაც უფრო მეტადაა ჩართული სწავლებაში ინფორმაციული  ტექნოლოგიები და პრაქტიკული სამუშაოები.

ლექციური საუბრის  შემდეგ მან ჯგუფების მიხედვით  პრაქტიკული დავალებების მიხედვით მოკლე- მოკლე პრეზენტაციები გაგვაკეთებინა,პრეზენტაციების  შეჯამებისას მან კიდევ ერთხელ  შეგვახსენა,რომ მასწავლებლის  მიზანი  მუდმივად უნდა იყოს დააფიქროს  მოსწავლეები,სანამ ისინი რაიმეს კეთებას დაიწყებდნენ,ე.ი."კეთება და ფიქრი",    მუდმივ რეფლექსიას უნდა ჰქონდეს  ადგილი,მათი საბოლოო ნამუშევრით კი უნდა გავარკვიოტ 
,რა ისწავლეს მათ  და რა ვერა.ეს პრაქტიკული  მუშაობა  გაგრძელდა  მეორე  დღესაც. ტრენინგის  მეორე  დღეს  საუბარი  შეეხო შეფასების  თემას: მან აღნიშნა,რომ მოსწავლემ  წინასწარ უნდა იცოდეს, რას როგორ  შეუფასებთ, თანაც შევახედოთ  თუ რა მოლოდინები გვაქვს მათგან. ასევე მან ისაუბრა სკოლებში  დისტანციური  სწავლების
 დანერგვაზეც.

ტრენინგის მნიშვნელობის  დასაბუთება:

ამ ტრენინგში  მონაწილეობა  ჩემთვის    ძალიან  მნიშვნელოვანი  იყო ,რადგან მისი 
 დახმარებით მომავალში  შევეცდები  ჩემს საგაკვეთილო პროცესებში უფრო ხშირად 
გამოვიყენო  კომპიუტერი, როგორც  სასწავლო რესურსი და მეტი აქტივობები  
დავგეგმოთ  მისი ჩართვით.

გამოცდილებას  და სიახლეებს რა თქმა  უნდა გავუზიარებ   ჩემს კოლეგებსაც  და  ვეცდები  მათაც დავეხმარო ამ სახის გაკვეთილების დაგეგმვაში,რაც  პროფესიულ  განვითარებასაც შეუწყობს  ხელს.                         

                                                                                                                  მ.ონიანი

                                                                                                                  08.07.2013წ.